Արգելված զինատեսակներ են կիրառել Արցախի խաղաղ բնակչության նկատմամբ. Արցախի ՄԻՊ

Nouvelles

Արցախի հանրապետության ՄԻՊ Արտակ Բեգլարյանն այսօրվա ասուլիսի ժամանակ ասել է, որ այս ընթացքում ադրբեջանական կողմից կիրառվել են կասետային ռումբեր, որոնք արգելված են քաղաքացիական օբյեկտների նկատմամբ կիրառել:

Որոշները պայթել են, որոշները՝ ոչ։ Չպայթած վիճակում էլ այդպիսի զինատեսակները ոչ պակաս վտանգ են ներկայացնում:

Ստեփանակերտի հարակից բնակավայրերում «Սմերչ» տիպի հրթիռներ են կիրառվել: Չպայթած հրթիռներ կան նաև «Սմերչ» տեսակից:

Արտակ Բեգլարյանն ասել է, որ տեսողությունը կորցրել է 6 տարեկանում, ականի պայթյունից: Լավ գիտի, թե ինչ աղետ է բնակչության համար չպայթած ռունմբը:

Կասկածներ ունի, որ ադրբեջանական կողմը միտումնավոր է գնում այն քայլին, որ տարածքում թողնի նաև չպայթած զինատեսակներ, որոնք երկար տարիներ հետո էլ կարող են աղետ դառնալ խաղաղ բնակիչների համար:

(Visited 84 times, 1 visits today)
Оцените статью